The train of life..

zindagi khuda ki taraf se hume di gai wo khoobsurat railgadi hai jissme baith ker hum bachpan se leker maut tak ka suhana safer kerte hai khuda ne is safer me hume n jane kitne chote chote stations diye to n jaane kitne thahraw mager ye railgadi kabhi bhi kahin bhi rukti nhi.
Humari zindagi ki railgadi main n jaane kitne musafir aayen aur gaye kuch ne humse pyar kiya hume sawara sambhara to kuch ne to hume bilkul choor choor hi ker diya .Iss safar main n jaane kitne lamhe aise the jo khusi aur ullash se bhare the aur n jaane kitne lamho ne hume jee bhar ke rulaya.
Hume iss safar me kuch aise bhi musafir  mile jo ek baar agr iss gadi me sawar ho gaye to unhone marte dum tak humara sath nibhaya aur marne ke baad bhi hume duayen di.
Pata hai iss rail gaadi ka fuel kya hai? Mujhe lagta hai ki iss railgaadi ka fuel hai humari himmat jb tk humari zindagi main jeene ki chah rahegi tb tk ye gaadi teji se chalegi aur jaise jaise humari himmat aur jeene ki chah kam hogi waise waise hi gaadi ka fuel bhi kam hota jayega.
Ab aap soch rahe honge ki ager zindagi ek railgaadi hai to koi n koi iska driver bhi jaroor hi hoga.
Pata hai humari zindagi kisi modern railgaadi se bilkul bhi kam nhi hai aaj ki train ki tarah humari zindagi main bhi do driver hote hai
Humari zindagi ka pahla driver hai humara khud ka nazariya aur humari apni soch agr hum chahe to apni zindagi to kisi bhi taraf mod sakte hai kisi bhi hieght tk  le jaa sakte hai.
Humari zindagi ka dusra driver hai kahin door asmano main baitha humara bhagwan jo kadam kadam per humara margdershan kerta hai aur humari zindaiyon main nai kahani likhta hai aur agr hume apni zindagi ki train ko sahi se chalana hai to dono hi drivers ke beech samnjas jaroori hota hai.
Pahla driver humari zindagi ki speed ko balance kerta hai aur dusra humari safety ki jimmedari leta hai aur iss tarah humari zindagi ki rail gaddi chalti rahti hai.